Бяспека
Увага!
Пасажырам паветранага транспарту забараняецца прымаць ад пабочных асоб чамаданы, пасылкі і іншыя прадметы для перавозкі на борце паветранага судна, або для часовага захоўвання ў залах чакання і на прылеглай тэрыторыі.
Служба авіяцыйнай бяспекі і рэжыму нагадвае:
- у мэтах бяспекі ўсе знойдзеныя ў будынку аэрапорта і на прылеглай да яго тэрыторыі безгаспадарныя прадметы разглядаюцца як патэнцыяльна небяспечныя;
- пры знаходжанні безгаспадарнага прадмета не кранайце яго, не спрабуйце перамясціць або ўздзейнічаць на яго іншым спосабам, не карыстайцеся мабільнымі тэлефонамі на адлегласці бліжэйшай за 50 метраў;
- аб знаходжанні безгаспадарных прадметаў паведаміце прадстаўніку праваахоўных органаў, работніку аэрапорта ў пунктах надгляду або любому супрацоўніку аэрапорта.
За ўчыненне ў аэрапорце або на борце паветранага судна грамадска небяспечных дзеянняў, парушэнне патрабаванняў авіяцыйнай бяспекі пасажыры ва ўстаноўленым парадку могуць быць прыцягнуты да крымінальнай або адміністрацыйнай адказнасці ў адпаведнасці з дзеючым заканадаўствам Рэспублікі Беларусь або краіны накіравання.
У выпадку непрадбачаных абставін, калі ласка, захоўвайце спакой і звярніцеся да прадстаўніка аэрапорта за дапамогай. Нашы работнікі заўсёды гатовы прыйсці Вам на дапамогу і прыняць усе магчымыя меры.
Медыцынскую дапамогу Вам акажуць у медпункце аэрапорта, размешчаным на 1-м паверсе левага крыла аэравакзальнага комплексу каля 1-2-га сектараў. У выпадку неабходнасці экстраннай медыцынскай дапамогі тэлефануйце ў хуткую дапамогу па тэлефоне 103 або па тэлефонах медпункта аэрапорта +375 17 279 19 44, +375 17 279 10 44, мабільны нумар дзяжурнага ўрача: +375 29 700 36 07.
Выклік пажарнай службы ажыццяўляецца па ўнутраным тэлефоне 01 або +375 17 279 13 13 (служба пошукава- і аварыйна-выратавальнага забеспячэння палётаў), або па гарадскім тэлефоне 101.
Супрацоўнікі міліцыі кругласутачна нясуць службу на тэрыторыі аэравакзальнага комплексу. Дзяжурная часць міліцыі размешчана ў левым крыле аэравакзальнага комплексу. Кантактны тэлефон +375 17 279 10 02.
Вырашэнне пытанняў, звязаных з пашпартным рэжымам, ажыццяўляюць супрацоўнікі аддзялення пагранічнага кантролю. Кантактны тэлефон: +375 17 279 17 35 (кругласутачна).
Па пытаннях, звязаных з атрыманнем уязной візы Рэспублікі Беларусь, звяртайцеся ў размешчанае ў аэрапорце Упраўленне па пытаннях уезду іншаземцаў Галоўнага консульскага ўпраўлення Міністэрства замежных спраў Рэспублікі Беларусь па тэлефоне +375 17 279 20 58.
У выпадку спазнення на рэгістрацыю неабходна звярнуцца ў авіякасу адпаведнай авіякампаніі, размешчаную ў аэравакзальным комплексе аэрапорта, або звязацца з прадстаўніком выбранай Вамі авіякампаніі ў выпадку адсутнасці адпаведнай авіякасы.
У выпадку непрыбыцця або пашкоджання багажу звяртайцеся ў зоне выдачы багажу да дыспетчара групы апрацоўкі багажу або да прадстаўніка авіякампаніі-перавозчыка.
Пры ўзнікненні іншых пытанняў у аэрапорце Вы можаце:
- звярнуцца па дапамогу да супрацоўніка аэрапорта, які знаходзіцца ў інфармацыйнай стойцы на 3 паверсе аэравакзальнага комплексу перад стойкамі рэгістрацыі № 22, № 23;
- скарыстацца ўстройствамі «Радыёдаведка», якія размешчаны па ўсім аэравакзальным комплексе;
- патэлефанаваць па нумарах +375 17 279 13 00, +375 17 279 17 30, 211 (MTC, Life, A1) - званок платны.
Па пытаннях, звязаных з бяспечным выездам за мяжу, звяртайцеся за кансультацыяй па тэлефоне 113 (са стацыянарнага тэлефона) або 8 801 201 55 55 (MTC, A1).