Электронныя звароты
Электронныя звароты
Электронныя звароты грамадзян Рэспублікі Беларусь, замежных грамадзян і асоб без грамадзянства, якія знаходзяцца на тэрыторыі Рэспублікі Беларусь, у тым ліку індывідуальных прадпрымальнікаў (далей - грамадзяне), і юрыдычных асоб накіроўваюцца і разглядаюцца ў РУП «Нацыянальны аэрапорт Мінск» у адпаведнасці з патрабаваннямі Закона Рэспублікі Беларусь ад 18 лiпеня 2011 года № 300-З "Аб зваротах грамадзян і юрыдычных асобаў".
У адпаведнасці з Законам Рэспублікі Беларусь ад 18 лiпеня 2011 г. № 300-З «Аб зваротах грамадзян і юрыдычных асобаў» электронны зварот выкладаецца на беларускай або рускай мове.
Электронны зварот грамадзяніна ў абавязковым парадку павінны змяшчаць:
- прозвiшча, уласнае iмя, iмя па бацьку (калi такое маецца) альбо iнiцыялы грамаздянiна;
- Адрас месца жыхарства (месца знаходжання) грамадзяніна;
- Выклад сутнасці звароту;
- Адрас электроннай пошты грамадзяніна.
Падаць электронны зварот грамадзяніна
Электронны зварот юрыдычнай асобы ў абавязковым парадку павінны змяшчаць:
- Поўную назву юрыдычнай асобы;
- Месца знаходжання юрыдычнай асобы;
- Выклад сутнасці звароту;
- Прозвiшча, уласнае iмя, iмя па бацьку (калi такое маецца) альбо iнiцыялы кiраўнiка або асобы, упаўнаважаннай ва ўстаноўленым парадку падпiсваць звароты;
- Адрас электроннай пошты юрыдычнай асобы.
Падаць электронны зварот юрыдычнай асобы (iндывiдуальнага прадпрымальнiка)
Электронныя звароты, якія паступілі ў РУП «Нацыянальны аэрапорт Мінск», разглядаюцца не пазней за пятнаццаць дзён, а якія патрабуюць дадатковага вывучэння і праверкі - не пазней аднаго месяца.
Звароты, якія змяшчаюць пытанні, вырашэнне якіх не адносіцца да кампетэнцыі РУП «Нацыянальны аэрапорт Мінск», на працягу пяці рабочых дзён накіроўваюцца для разгляду кампетэнтным арганізацыям з адпаведным паведамленнем заяўнікаў альбо застаюцца без разгляду па сутнасці з растлумачэннем заяўнікам, у якую арганізацыю і ў якім парадку трэба звярнуцца для вырашэння пытанняў, выкладзеных у зваротах.
Адказы на электронныя звароты накіроўваюцца на адрас электроннай пошты, указаны ў электронным звароце, альбо на адрас месца жыхарства (месца знаходжання) грамадзяніна або месца знаходжання юрыдычнай асобы ў выпадках, устаноўленых Законам Рэспублікі Беларусь ад 18 лiпеня 2011 года "Аб зваротах грамадзян і юрыдычных асобаў" .
Застаюцца без разгляду па сутнасці звароты, якія (па якіх):
- выкладзены не на беларускай або рускай мове;
- не змяшчаюць прозвішча, уласнае iмя, iмя па бацьку (калi такое маецца) альбо iнiцыялаў, адрас месца жыхарства (месца знаходжання) грамадзяніна;
- не змяшчаюць поўнай назвы юрыдычнай асобы і адрас яе месца знаходжання, прозвiшча, уласнае iмя, iмя па бацьку (калi такое маецца) альбо iнiцыялаў кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб);
- змяшчаюць тэкст, які не паддаецца чытанню;
- змяшчаюць нецэнзурныя або абразлівыя словы і выразы;
- падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах альбо ў адпаведнасці з заканадаўчымі актамі, згодна з якімі ўстаноўлены iншы парадак падачы і разгляду такіх зваротаў;
- змяшчаюць пытанні, якія не адносяцца да кампетэнцыі РУП "Нацыянальны аэрапорт Мінск";
- прапушчаны без уважлівай прычыны тэрмін падачы скаргі;
- пададзены паўторны зварот, калі ён ужо быў разгледжаны па сутнасці і ў ім не змяшчаюцца новыя абставіны, якія маюць значэнне для разгляду звароту па сутнасці;
- з заяўнікам спыненая перапіска па выкладзеных у звароце пытаннях.
Адкліканне электроннага звароту
Заяўнік мае права адклікаць свой зварот да таго як ён будзе разгледжаны па сутнасці шляхам падачы пісьмовай заявы або накiравання заявы ў электроннай форме тым жа спосабам, якім быў накіраваны электронны зварот.
Абскарджанне адказаў на звароты
Адказ на зварот або рашэнне аб пакіданні звароту без разгляду па сутнасці могуць быць абскарджаны ў вышэйстаячую арганізацыю - Дэпартамент па авіяцыі Міністэрства транспарту і камунікацый Рэспублікі Беларусь.
Размяшчэнне адказаў на электронныя звароты на сайце у рубрыцы «Электронныя звароты» (адказы на масавыя звароты)
Адказы на электронныя звароты аналагічнага зместу ад розных заяўнікаў, якія носяць масавы характар (больш за дзесяць зваротаў), могуць размяшчацца на афіцыйным сайце www.airport.by у рубрыцы «Электронныя звароты» (адказы на масавыя звароты) без накіравання адказаў (апавяшчэнняў) заяўнікам.
Да формы электроннага звароту далучаюць:
- Дакументы, якія пацвярджаюць паўнамоцтвы прадстаўнікоў заяўнікаў;
- Дакументы аб выніках папярэдняга разгляду зваротаў;
- Іншыя дакументы і (або) звесткі, неабходныя для вырашэння пытанняў, выкладзеных у звароце.
Дапушчальныя фарматы файлаў дакументаў у электронным выглядзе і іх графічных вобразаў на папяровых носьбітах (сканаў):
Portable Document Format/A (PDF/A), Office Open XML (DOCX), двайны фармат з разметкай (DOC), Rich Text Format (RTF), тэкставы файл (TXT), Open Document Format (ODT), фармат архівавання і сціску дадзеных (ZIP, RAR), Portable Network Graphics (PNG), Tagged Image File Format (TIFF), Joint Photograph Experts Group (JPEG), Joint Photograph Group (JPG).
Электронны зварот у РУП «Нацыянальны аэрапорт Мінск» можа быць таксама дасланы на адрас электроннай пошты: com.dept@airport.by